رواية جحيم عشقة كاملة
الرواية بقلم ملكة القلم
الفصل 11
ليل بزعيق.....هاتي التلفون بقولك
كيان رجعت لورا....لا يا ليل انا قولتلك حاجه متخصكش
ليل بحده.....لاخر مره بقولك هاتي التلفون يا كيان
كيان مسكت التلفون ومره وحده راحت خبطاه في الارض
التلفون اتكسر وليل بص ليها بصدمه.....اي اللي عملتيه ده
كيان بتوتر.....مش تلفوني اعمل فيه اللي انا عايزاه
ليل سحبها من شعرها......مخبيه عليا اي ومين ده انطقي يا كيان بدل ما اطلع بروحك اخلصي
كيان بعند.....مش هقول يا ليل لو حصل اي سيبني
ليل.....بقا كده يا كيان قالها بعصبيه وهو بيرميها علي السرير
قرب منها كيان رجعت لوراء
ليل ضر"بها بقوه بالقلم كيان داخت
ليل......ماشي يا كيان انا هعلمك الادب وازاي تعملي كده
كيان بصوت مبحوح.......ليل ابعد عني انا مش عايزاك
ليل قرب منها........ولا انا عايزك ولا طايق اشوفك
كيان.....اطلع برا يا ليل اطلع برا
ليل.....هطلع بس صدقيني مش هرحمك لو عرفت انك بتعملي حاجه من ورايا يا كيان
كيان بسخريه........انت مفكر انك كده راحمني انت بتعذبني يا ليل
ليل.....صدقيني عذابك ده بالنسبة ليا راحه
ليل خد التلفون من علي الارض وفتح الباب وخرج
كيان مكنتش قادره تفتح عينيها حاسه بوجع في بطنها وراسها لفت من قوه القلم
كيان حاولت تقوم ودخلت الحمام اللي في الاوضه خدت دوش قعدت حوالي تلت ساعه في الحمام وخرجت وهي لافه فوطه حوالين جسمها
اول ما خرجت لقيت ليل اتخضت
كيان......انت بتعمل اي هنا
ليل قام وقف ورفع التلفون في وشها وكانت اخر مكالمه بأسم باسم
كيان اتوترت وحاولت تتكلم.....اخرج لو سمحت هلبس هدومي وبعدين نتكلم
ليل.....كان بيتصل عليكي ليه
كيان.....عادي ممكن يكون هيسال عن حاجه او هيسال عن زهره
ليل قرب منها......امممم قولتيلي هيسال عن زهره انتي مفكراني غبي لاخر مره يا كيان باسم بيرن عليكي ليه
كيان بخوف......معرفش والله انا مش بكلمه
ليل.....يعني مش ناويه تقوليلي بيرن عليكي ليه تمام
كيان.....انا معرفش بيرن عليا ليه
ليل.....متعرفيش اه صح والتلفون اللي رمتيه علشان معرفش مين اللي بيتصل
عارفه يا كيان انا ممكن احبسك طول عمرك في الاوضه دي ومخلكيش تشوفي النور صدقيني
كيان.....التلفون رميته علشان مكنتش عايزاك تشوف مين اللي بيتصل وتعمل مشكله
ليل......اعمل مشكله ليه شيفاني عيل مراهق قدامك
انتي مصدقه نفسك انا نفسي تبطلي كدب يا كيان كفايه بقا
كيان.....كفايه فعلا انا اكتفيت ضر"ب وذ"ل وإها"نه صدقني يا ليل لو جيت عليا اكتر من كده انا همشي وعمرك ما هتشوفني تاني يا ليل
لاني تعبت بجد
ليل.......اعمليها يا كيان والمرادي هك"سرلك رجليكي
كيان......ملكش الحق تعمل كده انا ساكته علي اللي بتعمله فيا وصابره
ومستحمله يمكن في يوم ربنا يفتح بصيرتك وتعرف الحقيقه لكن انت مصمم انك تشوف اللي انت عايزة
ليل قرب اكتر منها.....لو فعلا بنتكلم علي الحق فانا ليا كامل اعما اللي انا عايزة وانتي مش هتقدر تمنعيني يا كيان
كيان بعدت لورا برجفه......متقربش يا ليل مش هتقرب مني
ليل......انا قولتلك اليوم كله معاكي لحد معاد الخطوبه
كيان.....ليل انا عايزه اشوف بنتي خليني البس هدومي واروح اشوفها يا ليل
ليل شدها عليه وهي صرخت......انت عملت اي انت مجنون
ليل.....لا مش مجنون تقدر تلبسي هدومك
كيان......ليل لو سمحت
ليل.....اي مش عايزه تلبسي هساعدك
كيان......انا مطلبتش منك مساعده انا بس قولتلك اخرج برا
ليل.....وانا مش هخرج هو انا حد غريب ده انا حتي جوزك يعني
كيان.....ليل مش هعرف البس قدامك لو سمحت
ليل بخبث وجرأه......ليه هشوف حاجه مشوفتهاش
كيان اتصدمت من كلامه ولسه هتلف سحبها وقربها جامد عليه.....اي يا زوجتي وحشتيني
كيان اتوترت جامد ومتكلمتش ليل قرب منها
_________
عند زهره كانت قاعده في الحديقه الخلفيه للقصر وهي بتفكر تقول لليل كل حاجه
قطع تفكيرها صوت شاب.....زهره
زهره وقفت واتكلمت بتوتر.....دكتور سليم
سليم بصدمه.....انتي بتعملي ايه هنا وكنتي فين السنين اللي فاتوا اختفيتي مره وحده
زهره بتوتر......انا اتجوزت
سليم بصدمه......اتجوزتي
يتبع
الفصل 12
ليل كان بيلبس هدومه وهو باصص لكيان اللي نايمه
قرب منها شد الغطا وغطاها وخرج
قفل الباب بالمفتاح واتجهه للفيلا والتحضيرات كانت علي وشك الانتهاء
دخل الفيلا لقي سليم قاعد مع زهره
ليل بحب.....سليم جيت امتا
سليم حضنه.....من ساعتين كده بس انت اللي مختفي مش باين
ليل.....معلش يا صحبي كنت مشغول انت عامل اي
سليم.....بخير الحمدلله
زهره بحرج.....ليل انا سمعت ان كيان رجعت هي فين انا عايزه اشوفها لو سمحت
سليم بص لليل بتعجب.....كيان انتي تعرفي كيان
زهره.....كيان تبقي اختي
سليم......اخت مين
ليل بحده.....في اي يا سليم مالك قالتلك اختها
سليم.....انا قصدي مراتك
ليل.....ايوة مراتي وانتي يا زهره كيان دلوقتي نايمه لما تصحي تقدري تشوفيها وكمان انا هبعتلك فساتين تختاري منها للحفله
زهره....بس انا مش هقدر احضر
ليل.....هتحضري يا زهره سليم خليك هنا لحد ما ارجع
سليم.....تمام
ليل طلع اوضته وسليم بص لزهره.....انتي اخت كيان مراته بجد
زهره.....هو فيه اي وانت تعرف كيان منين
سليم......ليل حكالي عنها بس ازاي رجعو لبعض يعني
بعد اللي حصل
زهره......هما ما رجعوش لبعض احنا قاعدين هنا لحد ما اخلص اجراءات طلاقي وهنمشي
سليم.....طلاق اي
زهره......ما انا اتجوزت من باسم وليل لما عرف كيان طلبت منه انه يطلقني وليل ساعدنا
سليم.....باسم مين اللي كان في الجامعه
زهره بحرج......الشاب اللي انت طردته من المحاضره قبل كده
سليم.....وانتي اي االي يوصلك انك تتجوزي باسم وانتي عارفاه كويس وعارفه انه مش تمام
زهره.....باسم مش سهل وهددني باختي وانا مكنش ليا غيرها كيان اختي الصغيره يا سليم كنت عايزني اعمل اي اتفرج عليه وهو كل يوم يقولي
لو موافقتيش مش هتشوفيها تاني خلاني مضيت بابا علي تنازل بالاملاك قبل ما يتوفي ووصلنا للي احنا فين وقتها كيان كانت في اولي جامعه واتعرفت علي ليل وحبوا بعض واتجوزوا ومرت سنه علي جوازهم
زهره سكتت وسليم بص ليها.....وليل وكيان اتطلقوا بسبب خيانه كيان ليه
زهره بانفعال.....كيان عمرها ما تعمل كده ابدا
سليم......امال اي الحقيقه اللي احنا مش شايفينها
زهره.....كيان مفيش انضف منها ياسليم كيان وقتها كانت طفله 19 سنه متعرفش يعني اي خيانه كيان مش وحشه للدرجه دي كيان حبت ليل لدرجه انت مش هتقدر تتصورها
باسم هو السبب في كل ده هو اللي حاول يعمل كل ده وهو برضو اللي جابها الشقه وقلها اني تعبانه ووقتها قالي ان صحابه جايين ومش هينفع اكون موجوده فخرجت ومجاش في بالي ان كيان ممكن تيجي
جاب واحد صاحبه واتفق..... معاه وحط لكيان حبوب مخدره مش بتخليها في كامل وعيها بس بتبقي حاسه بكل حاجه وجاب صحبه وصوروا ليها فيديوهات حقيقية وبعتوها لليل
كيان لما صحيت استغربت.... هي فين انا وقتها رجعت البيت ولقيتها نايمه وحاولت كتير اسالها اي اللي حصل مفتكرتش حاجه وبعدين مسكت تلفونها لقيت مكالمات كتيره من ليل خدت شنطتها وخرجت وصلت للبيت اللي عايشين فيه ليل وكيان وطلعت وقتها ليل وراها الفيديوهات وكيان نكرت ده واترجته كتير انه ميصدقش الفيديوهات وبالفعل ليل مصدقش وجاء تاني يوم وباسم راح لكيان البيت وهددها بيا
كيان خافت منه ونفذت كل اللى قاله ومن ضمن التهديدات انها تعترف انها عملت كل حاجه بارداتها وانها الموجوده في الصوره وبالفعل حصل وقالت لليل كده وكمان باسم قال لليل ان كيان هي اللي مضت والدها عن تنازل الاملاك علشان تهرب معاه
ليل طلق كيان وقتها كيان عرفت انها حامل الطفل بالنسبه ليها كان اخر حاجه من ليل بس للاسف ما"ت وهي بتولد
بس وده كل اللي حصل ووصلنا لهنا
سليم......وانتي مش ندمانه ان ده كله حصلها بسببك
زهره بحزن.....ندمانه صدقني انا عمري ما حبيت ولا هحبه باسم دخل علي العيله زي نار اللي كلت كل حاجه
سليم.......انشاء الله كل حاجه هتتصلح
زهره.....انا اسفه اني حكتلك ده كله بس كنت حابه اتكلم مع حد انا هطلع اوضتي علشان اجهز نفسي
زهره طلعت اوضتها وسليم خرج
__________
عند كيان صحيت من النوم ملقيتش ليل في الاوضه دخلت الحمام خدت دوش وطلعت لبست هدومها وبتحاول تفتح الباب مكنش بيفتح معاها
كيان......معقول ليل يكون قافل الباب علشان مطلعش عشان حفله حبيبه القلب
كيان بصت علي الشباك وراحت فتحته ونطت وقفلته تاني
دخلت الفيلا ومن حسن حظها مقابلتش ليل طلعت علي اوضه زهره فتحتها ودخلت زهره اتخضت.....في اي يخربيتك خضيتيني
كيان وهي بتبص للفساتين.....الفساتين دي ليكي
زهره.....ايوة بس ليه
كيان.....مفيش بس عايزه فستان علشان البسه
زهره.....كياااان
كيان بضجر.....في اي عايزه فستان هتديني ولا لا
زهره....هتعملي اي
كيان.....هحضر خطوبه جوزي
زهره.....كنت متاكده انجزي قبل ما ييجي بسرعه
كيان خدت فستان طويل ومفتوح من الضهر بفتحه كبيره وفتحه من الجمب طويله لحد اخر رجلها باللون الاسود
زهره.....هتلبسي ده انتي عايزه ليل يمو"تنا ولا اي
كيان.....انا اللي همو"ت مش انتي ادعيلي
كيان خرجت من الفيلا وراحت الاوضه دخلت من الشباك
مرت ساعه والضيوف بدأوا يوصلوا ليل كان لابس بدله سوداء وقميص ابيض مفتوح
في الاوضه كيان كانت واقفه قدام المرايه زي الاميرات بشعرها الطويل وجمالها اللي مالوش حدود
الحفله بدات وسمر كانت حاطه مساحيق تجميل كتيره علي وشها ولابسه فستان قصير للركبه وسايبه شعرها اللي واصل لكتفها
زهره كانت لابسه فستان لحد الركبه ولامه شعرها وكانت جميله
سليم كان مراقبها بعينيه وبص للبسها اللي معجبوش بسبب انه كان كاشف معظم تفاصيل جس"مها
ليل كان واقف وبيتكلم هو وبعض رجال الاعمال لحد ما النور كله انطفئ
وفي نور بسيط علي باب الفيلا كله بص ناحيه باب شافوا ملاك نازله
ليل اتصنم مكانه من جمالها بص حواليه لقي الكل بيبص ليها
ليل بعصبيه.....كيااان
كيان وهي ماشيه بتعد الخطوات.....استر يارب كده قاعدلي ثواني وهكون في عداد المو"تي رجعوني الاوضه تاني
ليل لكل الموجودين.....ياريت كل واحد يبص قدامه او يبص علي مراته احسن ليل
ليل قرب من كيان ومسكها من ايدها بقوه.....عجبك منظرك كده قدام الناس
كيان.....ايوه عاجبني
يتبع.....
الفصل 13
ليل.....كيان لمي الدور واطلعي غيري القرف ده
كيان بعند سحبت ايدها.....لا يا ليل انت ملكش حاجه عندي علشان تقولي اعمل ومعملش اي وبعدين اعتبرني ضيفه جايه احضر خطوبتك
ليل.....كياااان انا قولت روحي غيري الهدوم دي والا
كيان قربت منه وحطت ايدها علي صدره.....مش هغير يا ليل وكفايه كده لان الناس بتتفرج علينا وشكلنا هيبقي وحش
ليل......ماشي يا كيان دقيقه واحده وراجعلك واياكي ثم اياكي تتحركي من مكانك فاهمه
كيان ببرائه......فاهمه يا روحي
ليل مشي وكيان ابتسمت وبصت للحفله حواليها واتكلمت.....بق ده كله للجربوعه دي اما وريتها ووريتك يا ليل
شاب قرب من كيان واتكلم....ممكن نتعرف
كيان رفعت حاجبها وبصت ليه.....نعم
الشاب....بقولك ممكن نتعرف انا سمير وانتي
كيان لسه هترد لقيت ليل باصص عليهم ابتسمت واتكلمت بلطف.....اهلا بحضرتك وانا كيان
سمير.....اسمك حلو اوي زي صحبته
كيان.....شكرا لحضرتك
سمير......انتي متجوزه
كيان......للاسف بس مش مشكله
سمير......يعني انتي متزوجه مش باين عليكي
كيان ضحكت وده عصب ليل
_________
زهره كانت واقفه بتبص للمسبح سليم قرب منها واتكلم.....مش شايفه ان الفستان ده قصير اوي وكمان عريا"ن شويه
زهره بصت ليه باستغراب.....وانت يخصك في اي
سليم مط شفايفه......يمكن علشان الكل بيبص عليكى وده شئ مش لطيف
زهره.......بالنسبة ليك
سليم اتعصب وحاول يتكلم بهدوء......يعني انتي شايفه ان الكل يبصوا ليكي عادي وكل من هب ودب يشوفك بالمنظر ده
زهره بانفعال.......وانت اي اللي مزعلك انا حره البس اللي عايزاه
سليم......بس ده مش اسلوب لبس يا زهره ده لبس رقصا"ت
زهره......انت قصدك اي بكلامك
سليم......اكيد انتي فهمتي قصدي وياريت تغيري هدومك دي علشان ميحصلش مشكله
زهره.....اه ومين بقا اللي هيعمل المشكله انت بقا
سليم......زهررررره
زهره ببرود.....نعم حضرتك انت اللي اتدخلت في حاجه متخصكش دي حياتي انا
سليم.....يبت الناس انا بقول كده لمصلحتك صدقيني
زهره.....شكرا بس انا مش محتاجه نصيحه
زهره مشيت وسليم اتعصب منها
_________
ليل قرب من كيان ولف ايديه حوالين وسطها.....اي يا سمير في حاجه
سمير بابتسامة.....لا عادي بس انا كنت بتكلم مع مدام كيان
ليل....اه مدام كيان طيب يا سمير اتفضل انت علشان عايز زوجتي في كلمتين
سمير ابتسامته اتمحت واتكلم.....اتفضل اتشرفت بمعرفتك يا مدام كيان
كيان بابتسامة.....الشرف ليا
سمير مشي وليل سحب كيان ووقفوا في حته بعيده عن الناس.....كان بيقولك اي وازاي تسمحي لنفسك انك تقفي معاه
كيان.....واي يعني دي حاجه متخصكش وهرجع اقولك ان النهارده خطوبتك يعني لازم تاخد بالك من خطيبتك مش مني
ليل.....كيان متطلعيش اوحش ما فيا وارجعي علي اوضتك
كيان بعند.....مش راجعه يا ليل واعمل ما بدالك
ليل.....تمام يا كيان
__________
زهره كانت واقفه بتفكر في كلام سليم لحد ما لقيت حد بيحط ايده علي كتفها
لفت لورا واتصدمت.....باسم انت بتعمل ايه هنا
باسم بخبث......وحشتيني
زهره....انت مجنون اكيد انت ازاي تدخل كده أمشي من هنا والا هنادي للحراس يرموك برا
باسم قرب منها.....امممم والله اتغيرتي يا زهره وبقيتي قطه بتخربش
زهره......علشان اتخلصت منك يا باسم ومش عايزة اشوفك تاني في حياتي
باسم قرب منها اكتر......ليه هو انا مش كنت جوزك برضو
زهره بضيق.....كنت جوزي وابعد بقا انا مش عايزة اعمل مشكله
في نفس الوقت سليم كان بيدور علي زهره وشافها واقفه مع واحد وقريبين من بعض اوي قرب منهم بغضب
سليم.....زهره
زهره زاحت باسم عنها
باسم وهو بيبص لسليم.....ايدا ايدا دكتور سليم قولي كده يعني انتي سبتيني علشان حبيبك القديم
زهره اتصدمت وسليم اتكلم بعصبيه......اي القرف اللي بتقوله ده هي سابتك علشان انت متستهلهاش
باسم بخبث.....تؤ مش عشان كده علشان بتحبك
يتبع
الفصل 14
زهره بتوتر.....اي الكلام اللي انت بتقوله انت حتي معملتش احترام اني كنت مراتك
باسم بخبث......وهترجعي وتبقي مراتي يا زهره مش هسيبك علي اللي عملتيه فيا
سليم بعصبيه......انت واحد معندكش دم ولا ضمير وانا هوريك ازاي تقول كده
باسم بحده.....قولت اي واحده كانت علي ذمه واحد وبتحب واحد تاني ها برايك نسميها اي دي خاينه
زهره بصت ليه بصدمه واتكلمت......انا فعلا مصدومه فيك انت واحد قذر انا مش عارفه كنت عايشه معاك ازاي
باسم......وانتي لسه عارفه اني واحد قذر يا زهره علي العموم مش مهم حسابك هيكون معايا قريب لما ترجعي بيتي يا زهره واللى معرفتش اخده في الاول هاخده يا زهره
باسم مشي وسليم بص لزهره واتعصب.....هو ده اللي كنتي متجوزاه كان عاجبك في ايه ها
زهره بخوف......انت بتتكلم معايا كده ليه وبعدين انا اللي اتجوزته ومحدش غيري عاش اللي عشته فياريت متتكلمش معايا بالطريقه دي لو سمحت
سليم بحده.....زهره اسمعيني كويس من النهارده لا في باسم ولا عايز اسمع اسمه حتي فاهمه
زهره باستغراب......وانت تتدخل ليه يعني دي حياتي
سليم......ما هي فعلا حياتك بس انتي عملتي اي دمرتي حياتك وحياه غيرك
زهره بصت ليه ومشيت من قدامه وكلامه بيرن في ودانها
___________
كيان.....ليل سيبني انت بتعمل اي
ليل قرب منها جامد.....هكون بعمل اي مراتي فاهمه ولا افهمك دي كمان
كيان......ليل سيبني اطلع من هناا انت جبتني هنا ليه
ليل.....علشان انا حذرتك يا كيان وقولتلك غيري هدومك دي حلو اوي وانتي رايحه جايه قدام الناس وجسمك عر"يان وباين للي يسواء وميسواش
كيان.....حاجه متخصكش يا ليل وبلاش اسلوبك ده معايا علشان انا عارفه بعمل اي كويس
ليل.....لا يا كيان مش عارفه ولاخر مره هقولهالك انتي ملكي يا كيان ليا انا وبس
كيان نبضات قلبها زادت وبصت ليه وهي حاسه بفرحه
كيان بتوتر.....بس ده اسمه حب تملك يا ليل وانا مش عايزة حد يمتلكني يا ليل
ليل بعشق.....بس انا مش اي حد يا كيان انا ليل حبيبك يا كيان
كيان اتوترت من طريقته وانه ازاي اتغير بالطريقه دي...
كيان.....ليل انت سخن فيك حاجه
ليل بجديه.....لا يا كيان انا في كامل وعي وكمان هترجعي تعيشي معايا في الفيلا وبصفتك مراتي وام بنتي والكل هيعرف بكده
كيان تنحت ووقفت مكانها ومتحركتش....
ليل بابتسامة......اي روحتي فين
كيان بتوتر.....ها انت كنت بتقول اي
ليل سحبها ليه.....بقول اني هقول للناس كلها انك مراتي وام بنتي
كيان باستغراب......بس اي سبب التغير المفأجي ده
ليل بغموض....هتعرفي قريب
كيان......طيب انت جبتني هنا ممكن اعرف ليه وبعدين انا عايزة اخرج واكمل الخطوبه معاك
ليل باستمتاع......وهتكوني مرتاحه لما تشوفيني مع وحده تانيه
كيان.......مين قلك اني هكون مرتاحه هل او انت شوفتني مع واحد تاني هتكون مرتاح
ليل ابتسم بجانبيه ومره وحده سحبها من شعرها
كيان بألم.....اااه ليل شعري حرام عليك
ليل بحده وغيره.....وانا يا كيان مبحبش كده واوعي تفكري انك هتكوني لحد غيري في يوم من الايام فاهمه
كيان بألم وخوف......فاهمه سيبني بقا يا ليل شعري بيوجعني
ليل بعد عنها واتكلم بحده وهو بيطلع فستان من دولابه وبيديه ليها.....خدي الفستان ده البسيه وتعالي ورايا
__________
زهره بدموع......ياربي انا زهقت يارب ساعدني
سليم من وراها......انا اسف صدقيني مكنش قصدي اني اكلمك بالطريقه دي
زهره مسحت دموعها واتكلمت بهدوء.....لا عادي انا بقيت متعوده علي كده
سليم.....زهره انا مش عايز اشوفك زعلانه سامحيني
زهره.....خلاص يا سليم مفيش حاجه
سليم.......زهره انا عايز اتكلم معاكي في موضوع
زهره.....موضوع ايه
سليم......زهره انا عايز اتجوزك
يتبع
الفصل 15
سليم.....زهره انا عايز اتجوزك
زهره اتجمدت مكانها من الصدمه.....
سليم بهدوء.....انا عارف انك مصدومه بس انا عايز اتجوزك وصدقيني انا مفيش في نيتي حاجه وحشه انا مش زي باسم يا زهره وانتي عارفه كده كويس
زهره.....واي اللي يخليك تاخد واحده متجوزه قبل كده وكمان اسمها مطلقه
سليم بابتسامة.....واي يعني مطلقه مش ناهيه العالم زهره انتي بالنسبالي هتكوني زوجه صالحه ودي حاجه انا واثق منها انا مش هقولك نتجوز زواج علي ورق او الكلام الفاضي ده لا انا عايز اتجوزك ونبني عيله مع بعض
زهره......حتي بعد اللي عرفته
سليم.....انا عارفك من زمان يا زهره وعارف انك مكنتيش تقصدي انك تعملي كده وان باسم كان ضاغط عليكي
زهره بتوجس.......طيب وباسم هتعمل معاه اي قصدي انه مش هيسكت
سليم بغموض......باسم ده حسابه هيكون معايا ومش هيقدر يقرب منك طول ما انا عايش يا زهره
زهره اؤمات براسها واتكلمت......وانا موافقه يا سليم بس لما عدتي تخلص
سليم بابتسامة......تمام بس هنعمل خطوبه علي الضيق نلبس دبل
زهره.....مش لازم
سليم.....لا لازم يا زهره علشان كله يعرف انك خلاص هتكوني حرم سليم الزيات
زهره حاولت تخفي ابتسامتها.....عن اذنك انا هروح اشوف كيان فين
سليم ابتسم وزهره مشيت
_________
كيان لبست فستان باللون الازرق طويل وفانش وبكمام طويله كان مقفل وواسع وكان جميل جدا عليها لمت شعرها ونزلت خلصتين منه وكان شكلها جميل جدا
كيان خرجت لقيت ليا واقف قدام الاوضه
ليل او ما شافها تنح من جمالها.....
ليل.....يخربيت اهلك انتي حلوه في كل حاجه انا بفكر انقبك
كيان....ليل انت خليتني البس كده ليه انا مش فاهمه حاجه
ليل قرب منها ومسك ايديها وباسها بحب
ليل.....محضر ليكي مفاجأة
ليل مسك ايد كيان ونزل للحفله دخل الحفله والكل كان باصص ليهم وبالذات سمر االي كانت هتموت من غيرتها علي ليل ومن كيان
كيان بخجل.....ليل انت واخدني فين الناس كلها بتبص لينا
ليل.....كلها دقيقتين وهتعرفي كل حاجه دلوقتي
كيان ابتسمت اول ما شافت كنزي لابسه فستان زي اللي هي لبساه ونفس اللون والشكل عيونها اتملت دموع وبصت لليل
كيان بفرحه....كنزي حبيبتي
ليل قرب من كنزي وشالها بين ايديه
ليل وهو بيبوس خدها....سلمي علي ماما يا كنزي
كنزي سقفت بايديها....انا كنت عارفه انها مامي انا
كيان عيونها دمعت وخدتها من ليل....حبيبه قلب ماما انتي
كنزي بفرحه......انا كنت عارفه انك مامي عشان انتي حلوه زيي
كيان ضحكت بفرحه.....طبعا يا روحي
زهره قربت منهم.....الله الله الست كيان هنا وانا بدور عليها
كيان.....تعالي يا زهره شوفي كنزي حلوة ازاي في الفستان
زهره باستغراب.....انتو لابسين زي بعض ليه
كنزي......علشان انا ومامي حلوين انتي مش حلوه زي مامي
زهره برقت بصدمه......مامي مين وبعدين انتي عندك كام سنه
كنزي.....مامي كيان وانا عندي تلات سنين
زهره.....هو في اي متجننيش
كيان......هفهمك بعدين
زهره.....طيب اول ما الحفله تخلص عايزاكي في موضوع
كيان.....موضوع اي
زهره.....موضوع مش هينفع هنا
كيان هزت راسها لزهره وهي شايفه ليل جاي عليهم
ليل مسك ايد كيان وشال كنزي وسحبها للاستدج الناس كلها اللي في الحفله انتبهت ليهم
ليل.....مساء الخير انا حابب اقول كلمتين اكيد كلكم بتسالوا اي اللي بيحصل
انا بس عايز اوضح ان النهارده مش حفله خطوبتي لاني انا متجوز وعندي بنوته وبحب مراتي وعايز اقول للاستاذه سمر ربنا يوفقك في حياتك واكيد هتلاقي الاحسن مني
كيان كانت باصه لليل بخوف ان ده يكون حلم او هي بتتخيل مسكت ايده جامد وليل ضغط علي ايدها بيحاول يطمنها
كيان بدموع......ليل انت بتتكلم بجد
ليل قرب منها وباس راسها.....انا عرفت كل حاجه يا كيان
كيان بصت في عينيه......عرفت اي
ليل......مش وقته هقولك بعدين يلا بقا نكمل الحفله في اوضتنا
كيان بتوتر وهي بتبص للناس ولكنزي.....ليل انت بتقول اي والحفله دي
ليل لسليم.....الحفله انتهت يا سليم اتصرف
سليم هز راسه وبص لليل الي خد كيان وكنزي ودخل الفيلا
زهره فضلت واقفه متنحه
سليم......اي هتفضلي متنحه كده كتير
زهره......هو اي اللي بيحصل
صوت جاء من وراهم وكان زينب.....زهره
زهره لفت.....زينب انتي جيتي هنا ازاي
زينب بخوف......حرام عليكم اختفيتوا مره وحده ومحدش عرفلكم طريق انا دورت كتير لحد ما عرفت انك اتطلقتي من البأف جوزك ده وجيتو هنا
زهره......متخافيش احنا كويسين وبخير انتي عامله ايه
زينب بابتسامة حزينه......انا كويسه الحمد لله انكم بخير اومال فين كيان
زهره......كيان مش موجوده دلوقتي لكن اوعدك هجيبها ونجيلك لحد عندك
زينب بصت لسليم بخجل.....طيب انا همشي ابقي طمنيني عليكم واتصلي علي تلفون نسمه
زهره.....اومال فين تلفونك اللي لسه جيباه
زينب بتوتر......وقع مني في المياه وباظ ابقي اتصلي علي تلفون نسمه في اي وقت يلا انا همشي علشان الوقت اتاخر
زهره لسه هترد زينب مشيت بسرعه وخرجت من الفيلا
فضلت واقفه مستنيه اي تاكسي لحد ما لقيت عربيه وقفت قدامها
....اركبي
زينب بعصبيه.....هو انت تاني
اكرم.....انا قولت اركبي ولا هتفضلي واقفه كده فث نص الليل في الشارع
زينب بصت حواليها ملقيتش حاجة قربت فتحت الباب وركبت اكرم ابتسم بجانبيه لانه عارف انها هتركب
__________
في الفيلا في اوضه ليل كيان غيرت وكانت بتغير لكنزي وليل خد شاور ولبس تيشرت اسود وبنطلون قطني اسود
كيان.....وكده نكون خلصنا
كنزي باستها من خدها.....يلا بقا علشان ننام انا وانتي وبابا مع بعض
كيان كانت عايزه تتكلم مع ليل لكن ليل شاور ليها انه مش وقت كلام في وجود كنزي قرب
كيان نامت وخدت كنزي في حضنها لاول مرة وليل قرب عليهم وحضن كيان بحب
__________
سمر بعصبيه.....ازاي قدر يعمل كده ده كله علشان الجربوعه دي انا كنت شاكه ان في حاجه بينهم
سمير اخوها......شاكه اي انتي عبيطه ده مخلف منها
سمر بعصبيه......وربي لاوريك يا ليل ازاي تعمل فيا كده
يتبع
جماعه زينب واكرم ظهروا في اول الروايه وفي البارت ده ودورهم انتهي لان ليهم روايه هتنزل قريب اما عن سمير فهو ظهر في البارت اللي فات ودوره برضو انتهي هنا
لمشاهدة باقي الفصول يرجي الضغط هنا 👇👇👇